ПЛАЧ БОГОРОДИЦЫ [166 № 18]
PIETA

Христе Боже наш!

Нас ради
Распялен еси
И на кресте
Повешен бысть,
И гвоздьми
Пригвожден еси.
Приидите все вернии,
Воспоем его страдание -
Наругание и раны
Претерпел есть за нас.
Иосиф прииде
Во Иерусалим
И обрете Христа
На кресте распята
И Марию, матерь его,
Со единым учеником,
Горько рыдающе:
«Увы, сыне мой,
Свету творец!

Увы, чадо мое,

Неповинен еси,
На кресте распят бысть!

Увы, сыне мой,

Свету творец!
На кого оставил
Матерь свою?

Увы, чадо мое,

И не терплю тя видети,
Сына своего,
На кресте висяща!

Увы, чадо мое,

Уже радость
Не приидет ко мне,
Всевышнего творца
Рождьшия!

Увы, чадо мое!

Слышите, небеса,
И видите:
Уже наш
Страждет творец
И днесь пригвоздися
Ко древу!

Увы, чадо мое!

Утробою своею скорблю,
Видевше тя,
Сына, на кресте,
И я терзаюся
Зело по тебе!

Увы, чадо мое,

Сего ради изнемогающе,
Света оставляю,
Надежды лишаюся!

Увы, чадо мое,

Се исполнися
Симеона речение!

Увы, чадо мое,

Услыши молитву мою:
На кого оставил
Матерь свою?

Увы, чадо мое!

О, светлейшия очи мои,
Что плачете,
Не померкнете?
Уже бы я
Света не видела!

Увы, чадо мое!

О, глаголивы уста мои,
Что глаголете,
Не умолкнете?

Увы, чадо мое!

И како тя
Земля держит,
Всемогущего
Творца на себе?

Увы, чадо мое,

Прорци едино слово,
Что сотворю?
Света оставляю,
Надежды лишаюся.

Увы, чадо мое!»

Слышав же
Господь на кресте
Печаль и рыдание
Матерне,
И рече к ней
Со умилением:
«О всемилостливая
Мати моя!
Почто еси
Горько печалуешися?» -

«Увы, чадо мое, .

Уже бо не слышу
Твоего гласа!
К кому прииду,
И к кому прибегну,
И к кому водворюся?

Увы, чадо мое!»

Господь Бог
Восста со креста,
Преклонь главу Иоанну
И рече ему:
«Иоанне, приими
Матерь мою
И буди ми
Яко питая мою мать».
Христос Бог
Свой дух предаде.

Пришел воин

И ребро копием прободе -
Изыде из него
Кровь и вода
На умовение
Нашему согрешению.
О, всемилостивая
Владычице
Рече же с немилосердием
Ко злодею своему:
«О, злодею немилостивый!
И како у тя
Руне не отсохоша?

Увы, чадо мое,

Сведи мя от печали
Жизни сея.
И аз бы
С тобою умерла,
Да бегает от мене
Вечная смерть.
Увы, чадо мое!»

О, всемилостивая

Владычице
С молением
К распинающим прорече:
«Молю вас,
Умилитеся
И подайте малу
Радость мне:
Молю вас,
Умилитеся
И отдайте тело
Сына моего,-
Гробу предам
В велицей печали моей.
Молю вас,
Умилитеся!
О, жены-мироносицы!
Рыдайте со мною
И плачите:
Уже ныне ваш
Страждает Творец
И днесь пригвождается
Ко древу,
Не терпит и ныне
Согрешивша к нему!»
Аминь.
Virgin museum
Peter museum
Mycrossof
Valenik
Hosted by uCoz